ياعاذلي مابيك تكثر بالأشوار=نفسي وانا اللي باخصٍ في شقاها
اكيد لافكرت فيني بتحتار=لك فكر مايلحق بنفسي مداها
نفسي عزيزه شامخه مثل الاشجار=تموت .. ماتشحذ من الغيم ماها
شلّي أطالع حر من ماكر احرار=لعنه على المنات واللي رضاها
ياعاذلي طالع تصاريف الاقدار=كم واحد له لقمه ماكلاها
المال عمر المال ماكبّر اصغار=لا والذي نزّل تبارك وطاها
المال مايشري طويلين الاشبار=حتى ولو ان الزمان ابتلاها
العيب عيبك لا ادنق وتحتار=ماتنغزا انفوس بعيد مغزاها
رد الخبر مابيك تكثر بالاعذار=من لايعز النفس كل وطاها
حنا سنام المجد لاصار ماصار=عيشه شموخ وعز ولا بلاها
لااغترت العالم بردهم ودينار=حنا بترحيب الضيوف انتباها
انشد ونلقانا وفيّن وكبار=حتى لو الدنيا عطتنا قفاها