مبحر في غبَّة بحر الأحزان غرقان =وريح الخيانه تعصف بي و هي للروح مجدافي
/
وحيــــد جالس لحالي ولاعندي أبد عنـوان =لا مرجع و لا منبع كنِّي عن الكون ذا غافي
/
مخاوي دفتري و أحيان على نجمة سهيل سهران =أناجي روحي بروحي و هوجاس فكري المتخافي
/
هارب و يطردني سراب الهجر والنسيان =لبست الخوف لكني على الأقدام أنا حافي
/
سافرت من ديرة لديرة أدور للعنى أوطان=أشكي لمين معاناتي و أبدي له بأوصــــافي
/
عرفــت الموج مع إنه غدر بسفينة القبطان =حسبت إنّه وَفي وغير عن البشر وافي
/
زرعت الطيب في أصحابي وماجنيت سوى الحرمان =سترت الكل مع أنه ما أحدٍ(ن) ستر حتى أكتافي
/
جلست أدور في الهوى إنسان مثلي يكون إنسان=ولو عن بقايا شخص يحفض سري الخافي
/
أدور بين الفرح أفراح ولابه غير ألم و أحزان =وأدور في صقيع البرد حضن للحشى دافي
/
ولابه مير قماش أبيض أو بالأصح أكفان =يغطي جسمي الرَّعشان و يغطّى كل الأطرافي
/
أدور بيت ما يعرف أبد من سيرة الأحزان =أسكن به و يسترني و خيشة تكون لحافي
/
خسرت الكل لكنِّي بعزتي كنت أنا الربحان =مثل ذيك الجبال إللي تصارع سطوة السافي
/
دخيلك يا مليك الكون رجاءً من عبدك التعبان =ارزقني و احميني و وصِّلني لأهدافي
/
وسألت الله يثبَّتني ولا يشمت فيني الخلان =ويسيّرني على درب(ن) من الزلات متصافي
تصميمي 