بسم الله الرحمن الرحيم
السلام عليكم ورحمة الله وبركاته
مدري أهني سميّه برجعة الوالد ** وإلا أعزي غلا في موت والدها
إحساسنا في مشاعر فرحنا جامد ** مهما نحاول عن الأحزان نبعدها
الضغط نازل ومره ضغطنا صاعد ** في مسرح أحداث دولتنا نكابدها
كم واحدٍ في رجا تصويتنا يواعد ** ومن عقب ماهو ضمنها صار جاحدها
الصالح اللي توسمّنا طلع فاسد ** ذيك الكراسي طلع يا ناس عابدها
نضحك على نفوسنا ياحظنا الخامد ** نتعب ونزرع وهو ياتي ويحصدها
ماهي سياسه حشى هذي لنا معاند ** ما باقي إلا إقامتنا تحددها
عموم أهني سميّه بطلعت الوالد ** وأرجع وأعزي غلا في موت والدها
حمد المخيال