لاضاق صدري يازماني توسلت
للي يهوّن في ضميري عقابك
ادري باني لو تسرعت مانلت
غير الندم ياحسرة اللي هقابك
ياحظ قلي ليمتى ماتعدلت
نفس النتيجه في ذهابك ايابك
حاولت اشكل فرحتك ماتشكلت
وبنود شعري ماكفاها كتابك
فوق الماسي للقدم ليه عقلت
حتى غطس في يابس العنق نابك
وانت وحبيبي في عذابي تواصلت
والشكل شكلك والملابس ثيابك
لاياحبيب الروح منك تهولت
اشلون تغرس في ضلوعي احرابك
يوم القصيد الوان واشكال ماقلت
خوفي كذا يمكن يضايق جنابك
لاشك بكتب فيك حرفي ولا زلت
اكتب احروفي سر وارقب سرابك
حتى ولو تخطي على القلب ماشلت
اهوا خصامك وأتلذذ عذابك
لاني بعد عرفي على الحب حللت
واشوف دمي ياحياتي حيابك
وانته على باقي غرامي تساهلت
ولا مرحبا ولامقربا ولا هلابك
بس المطالب كلها لو تعللت
ابغيك جنبي لا يطوّل غيابك
عديت نفسك نازح الدار واهملت
شخصن لجل عيناك يعشق ترابك
بوضح النقا ياخافقي ماتسللت
حسدت منهو حاش مطراق بابك
كانك على جور الزمن لي تخاذلت
والله لعز النفس والغي عتابك
وانا بدروب البعد عقبك تاملت
وايقنت بأني مرّجعك في صوابك