ناس الله منعم عليهم وعندهم خير مثل السيل ماشاء الله ..
يحسبون أرباحهم باليورو والدولار ..
ظهورهم أمام الناس يعطيهم بريق وزخم كبير وكثير
من الناس تتوسم فيهم خير ولكنهم ماشاء الله يحسبونها
بالسنتي وشكلهم مستندين لدستور البخل في كتاب البخلاء للجاحظ ..
ومستحيل تمر ليرة تركية من قدامهم وهم مايدرون عنها ..
مع هذا هؤلاء الناس يحبون الظهور بمظهر راقي وحلو أمام المجتمع ولكن برخص ..
يعني يريد يركب رولز رايز بس بسعر كورولا ..
يريد يسافر بدرجة first class على الطيران السنغافوري بس بقيمة
تذكرة سياحية على الطيران البنغالي ..
مثل هالناس كثيرين وطمعهم يفضحهم ويزيل بريقهم المزعوم .