الضيقة اللي حفظ صدري حراويهـا
من ميلة الفي ليـن المـأذن التالـي
أكنها بـا لحشـى والعيـن تبديهـا
ليا فيضت من غزير الدمع همالـي
أنحى بها عن جميع الخلق وأخفيهـا
وأجود السد عـن شامـت وعذالـي
وأضحك وعيني تكذب ضحك راعيها
حتى حدتني غصب للمخرم الخالـي
مراتع الهم فـي صـدري مواريهـا
أثار حرب ظـروس مالهـا تالـي
والروح بين الرجاء واليأس مشقيهـا
ودنيا الفنى طبعهـا للطيـب قتالـي
كني وسط غابـة تدمـي عواديهـا
والفكر ضيع دليلـه ليـل الأهوالـي
وبعد أستوى بايع الجزله وشاريهـا
والسوم في سوقها من هيـن المالـي
عجات الأيام مـا تؤمـن بلاويهـا
لا جردت سيفها في وجـه الأمالـي
يالله يـا خالـق الدنيـا وباريـهـا
تروف باللي عثر به شين الأحوالـي