ايـه انا اللي عشت / بالدنيا غريب
....................... ما عرفت اللي أبي / وسط الزحام
يمكن أتغلـّى / و لكن ما أغيب
.................... يمكن اتشرّه / و لكن بإحترام
( ما هو اكبر هـم ّ / ادوّر لي حبيب)
.................... و الطموح ابعد / من احدود الغرام
و ان عشقت ..؟ / العشق و الله ما يعيب
.................... دام لي مبدأ / و قيمه / و اهتمام
كل من حولي / على افعالي رقيب
.................... و القرايب همـّهم / بس الملام
خيـّبوا فيهم / ظنون ٍ ما تخيب
.................... لين حدّوني / على عيال الحرام
يحسبوني لا تردّا بي / نصيب
.................... برمي احزاني / على قلوب الأناام
مندفن في وسط صدري / قلب ذيب
.................... ما دِفنت الراس / يا روْس النعام
صرت أضـم ّ الجرح بعيوني / و اطيب
.................... و اجمع همومي / على صدري .. و انام
طبعي أغرب / و الغريب / اني غريب .!!
.................... ما عرفت اللي أبي / وسط الزحام