شيصير دام انك مع الغير بتروح
مثلك مثل غيرك مع الغير قــد راح
الله واكبر من متى صارت جروح
مانيب انا اللي يلتقي منـك جـــراح
ابشر وخل الحزن ينبت معك روح
خلك تعــيش الجـرح والـــهم ينــزاح
ان كان ودك بالهوى ناوي تبوح
سو ماطرالك مابقى شـــي مــازاح
ان كان حبك عشته اليوم بجروح
غيرك لقيته عوض الجــــرح بأفـراح
اللي عرف قدري وغنت له الروح
يامر علي قلبي وانا اللــي له ارتاح
لعيون من حبه سكن داخلي روح
مالــي بغيره من بدت الناس لــو راح
والا انت فارقني مع اللي له تبوح
ايام حبـــك كــنها عيشـة اشــباح
شيصير دام انك مع الغير بــتروح
مثلك مثـــل غيــرك من القلب ينزاح