???????دفنت حبـك داخـل القلـب يازيـن
من بين حدبات الضلـوع النحايـف
ياصدق من الحاجه على وجه مسكين
وأعذب من النسمه بروس النوايـف
يامشرع ن بالحـب كـل القوانيـن
يامالكـن قلبـي بزيـن الوصايـف
ياللي بوجهك حلـم كـل الفقيريـن
وفي نظرتك حد السيـوف الرهايـف
يااللي قتلت القلب من غمزة العيـن
ادفن قتيلـك بيـن جمـر الشفايـف
قلبي من الفرقى غدا فيـه جرحيـن
وحالي من الغربه مثل ماأنت شايف
أصبحت من حبك سـواة المجانيـن
ومن حب غيرك قلب مغليك عايـف
أنا معـك يازيـن بالعسـر والليـن
ومن شان وصلك ماحسبت الكلايـف
جيتك على درب العشق وأمشي الفين
وقلبي يلوفه من عنى الحـب لايـف
الدم من شوقـي وقـف بالشراييـن
والقلب من ضخـه تقطـع نصايـف