قلبي له اليوم ثالث يوم موجعني
وعيني لها اليوم ثالث يوم تجمع طيوفك
والبال كنه على دربك يوزعني
ولساني ماكنه الا خلق لحروفك
لا النوم نافع ولا التفكير نافعني
انام واصحى على الباقي من وصوفك
بالله قللي شعوري ذا وش يعني
.طمني الله يطمن همك وخوفك
بيني وبينك تدري وش اكثر شي ضيعني
ان انت بآخر لقا شارح لي ظروفك
مدري وش اقول..بس تدري اسمعني
خابرك وافي وابيك أتّم معروفك
لاصرت ناوي تسافر لا تودعني
بس انتبه..لا تسافر قبل ما اشوفك