[فلاح بن ضيدان]

(( سو ألي براسكـ ولاتذكر أسباب ~~ لاصرت بايعني توكل على الله ))

(( مابيني وبينكـ مشاريـه وعتاب ~~ شف دربكـ ألي جيت منه تدله ))

(( ماراح تغلبني لو الـحـب غـلاب ~~ من حضرتكـ عشان قلبي تذله ))

(( في ذمتي لجعلكـ عبره للأحباب ~~ لين الخليل يتوب عن جرح خله ))

(( وزلاتكـ ألي مانفع فيهن حساب ~~ لا جيت أعددهن على القلب عله ))

(( أحرجتني بين القرايب والأصحاب ~~ كن الجفا سيفن بوجهي تسله ))

(( ماكنت أقصر فيكـ من كثر الأعجاب ~~ يومكـ تساوي عندي الكون كله ))

(( كنت القريب وكلهم كانو أغراب ~~ حتى القمر لاغاب شفتكـ محله ))

(( خلاص لاترجع ترى خاطري طاب ~~ الخاطر ألي كنت عايش بظله ))

(( رح وأعتبرني واحد أذنب وتاب ~~ ماني بثوبن تلبسه ثم تمله ))

(( مايجتمع بالحب صادق وكذاب ~~ رزقي على الله وأنت رزقكـ على الله )) .... !!