فـي ذمتـي يـا منـوت القلب شـاريك
وانـك تسـاوي عـنـدي الكـون كـلـه
محبتـك تبقـى وتبقـى وانا اغليـك
يـا راس مـالي في الحيـاه الممـلـه
ودي احـطك وسط عيني و داريـك
وغمـض عيـوني عليــك و اظـلـه
امـوت فيـك واعشقـك موت وابغيـك
يـا غـلا شعـور(ن) فيـه عمـري فـدلـه
يا قطـع كبدي في منـامي انـاديـك
و يـرجع صدى صـوتي مكـانـه محـلـه
ابطـيت عني لا تجيـني و لا جـيـك
وقـل اتصـالك و الغـلا في محـلـه
دق الجـهـازي يا حبيبي بـحـاكيـك
ودي اقـولك شي و يمكـن تمـلـه
لا صـرت مـا ترغب حبيب(ن) ينـاجيك
وش فـايدة حبـك و حبي تعـلـه
تعـبت مـن طول الغيـاب و تبـاطـيك
و تعبـت من سيف(ن) في وجهي تسـله
عنـي تغيـب ايـام والشـوق يطـريـك
وتـأخـذني الذكـرى واشـوف التـولـه
هـذا الغـرام و قصتـه بين ايـاديـك
خلـك على خبـري خـليل(ن) لـ خـلـه