بكتب لي قيل واطلب الكـل يقـراه = بمدح رجال الطيب وأهل الفعايـل
أهل الكرم والطيب منهم وأهل جاه = وأهل فعولن تشهـد الهـا قبايـل
كلن بيمدح شوف عينه وما جـاه = والعذر كان القاف جاء فيه هزايـل
عجمان لا صاح المصيح من اقصاه = تفزع جموعن فعلهـا لـه هوايـل
دولة نظـام للعـدو سـم وقـذاه = فزعة قريب ماهي جيش وفصايـل
ثار الدخن من اسود البيب عـزاه = مسكين ياللـي طامـع بالحمايـل
ثم اعتلوا من فوق حمرن مسمـاه = قد سولت لشيـوخ نجـد سوايـل
ثم انتخوا مفراص ماصن مع وصاه = والكل منهم عاملـن لـه عمايـل
صبيان يامن للعـذارى هـم ذراه = لاطوحت بالصوت بنـت الحمايـل
عاداتهـم لحقهـم سـد واقضـاه = مازايـل الطـلاب منهـم زوايـل
شوق البارود ومزينه مزين غنـاه = كسر العظـم ولاماغيـره بدايـل
ومنهم يطيح الشيخ تسمع له رغاه = والقوم طرحـى تحسبنهـم نثايـل
وانكف منهم طامع الـذود بدمـاه = يسحب صوابه تايبـن مـا يعايـل
والـذود عـود جالبينـه لمرعـاه = حمرن وصفر مخالطتهـا همايـل
مرحبا والله ومسهلا يابن شعلان ، وماعليك زود يالأميـــر
والله لايهينك ، ولاهي غريبه عليك
صح الله لسانك ولاهنت ، والله يحييك بين ربعك وأخوانك وفي محلك