مسا الخير 
يغنيك عن كثر الحكي مجمل ابيات
ومن ياخذ المضمون يلقى الادلـه
تدري وش اللي يقتل الحب بسكات
لاصرت في بوحك تحس بمذلـه
وتدري وش اللي يكسر الظهر حزات
لامن عطيت احساس ماهو محله
وتدري متى تستاهل الطعن مـرات
لا من خطيت الدرب وانته تدلـه
لا تتبع المقفي على كل حــالات
بعض الوجيه اللي تقابلك علـه
ولا تسال الغالي عن الجرح لا فات
نبش الحكي يزود الطين بلـه
طالع فمن حولك وتاخذ شهـادات
مانلتها لو تدرس الدهر كلــه
ناس(ن) تجر من اسود الضيق ونات
وناس(ن) تقضيها وناسه وفلـه
هذاك شال هموم غيره ولا بـــات
وهذاك مايدري عن احساس خلـه
احدن يهين اصله على كــل زلات
واحدن ترومه شيمته ماتزلــه
لا تقول حظي من عنا الوقت قد مات
قل مات حظ اللي عناه استحلـه
ولا ضاقت الدنيا وعلى الكيف ما جـات
اطلق احجاجك ثم توكـل عـلى الله