على فالي وذكرى واستحالة رجعة اللـي فـات
رقيت المرقب اللي يوم كنـت صغيـر شرفتـه
رقيته مادريت اني رقيته ليـن شفـت شتـات
حصى رجم معريـه الزمـن والريـح ناسفتـه
وقفت وكنه اللي يوم جيت يقول لـي هيهـات
تمر ولا تجينـي يافهـد مـن نظرتـك لفتـه
تلفـت وعرفـت ان الغـلا لأول غـلا مامـات
ولـو ان السنيـن بكـل مايغـري تكانفـتـه
وقفت ووقفتي طالت وسابق زفرتـي عبـرات
من اول مالمحت الموقـع اللـي فيـه والفتـه
حداني له غلا اللي من غلاه ليا بغيـت ابـات
يجيني طيفه مسير واحـس النـاس كاشفتـه
واون ليا طرالي ماطرالي باصعـب اللحظـات
نهار أخر لقاء في هالمكـان المرتفـع شفتـه
نهار يقول تكفى استر على ماصـار مـن زلات
وعلى التقصير في حقك وشورك يـوم خالفتـه
نهار انه مشى واقفـى ودار وقـال واحسـرات
قلـوب لـذة الحـب الحقيقـي قـد تناصفتـه
وبعد عشر سنوات من الفراق ومن شقى الآهات
رقيت المرقـب اللـي فيـه حلفنـي وحلفتـه
وقفت اتأمله واسترجع اللي لي معه قـد فـات
وعلى وقت الغروب اقفيت مرهق يوم شرفتـه
لشاعر فهد البداح السهلى