ياقو قلبك , قدرت تغيب : شهرين
حتى أني أيّست منك ومن رجوعك ,
وأنا ذبحني الصبر في حيرتي - لين
بغيت أنشّد عن أحوالك / ربوعك !
شهرين حلو المنام أبعد على العين
منك أنت عني / ومن حبتك كوعك ,
مستغرب أشياء كثيره , وأعرفك زين
هذا ماهو قلبك ؟ اللي في ضلوعك ,
ما شلت همّك .. مثل كل المحبين ,
لو أني أضماك في فقدك وأجوعك ,
ولو إني أشتاق لك ماضي وهالحين ,
وأحب روحك .. وتذبحني طبوعك
لكن خوفي : مذوّقني الأمرّين !
ظنيت : طفيّت عن الدنيا شموعك ,