[عارف دربه]

يغنيـك عن كثـر الحكي مجمل ابيـات $ ومن ياخـذ المظمـون يلقـى الادلـه
تدري وش اللي يقتل الحب بسكـات $ لا صـرت فـي بوحـك تحـس بمذلــه
وتدري وش اللي يكسر الظهر حـزات $ لا من عطيت احساس ما هو محله
وتـدري متـى تستاهـل الطعـن مـرات $ لا مـن خطيــت الدرب وانتـه تدلــه
لا تتـبـع المقفـي علـى كـل حـــالات $ بعــض الوجيــه اللـي تقابـلك علــه
ولا تسـأل الغالـي عن الجرح لا فــات $ نبــش الحكــي يــزود الطيــن بــله
طـالع في من حولك وتاخـذ شـهادات $ مـا نــلتـها لـو تدرس الدهــر كــله
نـاس تـــجر مــن زود الضيــق ونـــات $ ونـ،ـاسن تقضيــها ونــاســه وفـــله
هـذاك شـال هـمـوم غيــره ولا بــات $ وهذاك ما يدري عن احساس خـله
احـدن يــهيـن اصـله علـى كـل زلات $ واحـدن تـرومـه شيمتـــه ما تــزلــه
لا تقول حظي من عنا الوقت قد مات $ قل مـات الحظ اللي عناه استحـله
ولا ضاقت الدنيا وعلى الكيف ما جات $ اطلق حجاجك ثم تـوكل على الله