السلام عليكم ورحمة الله وبركاته
قد كتبت فى احد المنتديات النسائيه عن هذا الموضوع وسأنقله هنا عسى ان نجد الفائده جميعــًا
«®°·.¸.•°°·.¸¸.•°°·.¸.•°®» عباية محتاجه عباية«®°·.¸.•°°·.¸¸.•°°·.¸.•°®»
قـد يكون العنوان غريبا بعض الشئ ولكن هي تلك نواة الحقيقه
فى احد المقاهي (ستار بوكس ) الموجوده داخل احــد الاسواق (سوق شرق )عندنا فى الكويت وبينما كنت برفقة احد الاصدقاء لفت نظري مشهد مؤلم بعض الشئ ....
مثلا تمر علينا بنت وتكون بكامل اناقتها وبلبس عصري (على قولتهم ) والشعر اخر تسريحه والمكياج عند افضل صالون ........الخ ولا نجد احد من المتطفلين او الشباب المزعجين فى مضياقتها او التتبع خلفها ..
ولكن تمر بنت لابسه عبايه (مخصره ) ونقاب (مدري شلون صاير ) ونتفاجأ ان هذي وراها مليوووووون واحد حتى يمكن بعض المرات اشوف ان الامن اللى فى السوق يتبعونها !!لدرجة اشوف شباب لابسين ( بناطيل ) يعني المفروض انه مايحلق ام نقاب ويلحق البنت (السفور ) لانها من نفس الطائفه !!...
المهم الاستفسارات هذي بدت تشغل تفكيري لانى مالقيت لها اجابه كافيه او شنو السبب فى هالظاهره الغريبه وبديت اطرح هالاسأله على الاولاد ؟؟
شمعني ، ليه ، شنو السب ، فى انه الاولاد يركزون فى النظر وبأزعاج اللى لابسه نقاب ولا يدري هل هي جميله ام لا بعكس البنت الثانيه اللى مو متنقبه شايفها وخالص ؟
وكانت فيه اجابات عقلانيه كثيره وفيه اجابات غير عقلانيه وسنخلص الاجابات فى الفقره اللى تحت
و انا راح اوجه النقاط الملخصه واتمنى انها تكون صريحه وصادقه بعض الشئ للبنت اللى تلبس هالعبايه مخصوص ....!
لما الوحده تلبس عبايه كأنه لبس خاص فى البيت او حتى البيت اعتقد انه مايصير تلبس هاللبس فيه لانه كاشف الجسم كامل وبكل وادق تفاصيله وتطلع مثلا الى مكان عام ( سوق ) وتشوف هالمجتمع بكافة طبقاته (العاقل ، الخبل ، الصاحى ، المجنون ، اللى يسوى واللى مايسوى ) وش راح تكون نظرة هالاوادم لها ؟
1-مافيه اى رقابه او محافظة والتزام من قبل الاهل (اللى مالهم ذنب طبعا ) .
2-جريئه فى سلوكها وتصرفاتها الشخصيه.
3- فريسه سهله جدا للوصول لها .
4- اخلاق غير عاليه وشخصيه مهتزه.
5-لا يوجد اى احترام لا لنفسها او اهلها.
6-..الخ
طيب بعد ماوضحنا بعض وجهات النظر لأغلب الاولاد اللى سمعنى منهم هالكلام مثلا البنت هذي راح تقول انا وشدخلنى فيهم ؟ خلهم يقولون اللى يقولونه لا اعرفهم ولا يعرفوني ! بس انا بقولك صح انك ماتعرفينهم بس هم راح يعرفونك وفى اقل من دقيقه تدرين وشلون ؟؟؟؟؟
كلنا عارفين ان الزمن تطور واصبح زمن معلومات وتكنولوجيا وغيره معناته رايح ياخذ رقم السياره الخاصه فيكم وبضغطة زر فى كمبيوتر المرور او الهجرة والف واحد يسويها (لان كلنا ولاد قريه وكلن يعرف اخيّه ) راح يطلع كل المعلومات عن صاحب السياره اللى هو العائل في البيت (اللى ماله ذنب دايم 
) وحتى شارع السكن اللى انتو فيه بيطلع.
همممم طيب اللحين بالذمه فى احد هنا معانا وده يمر بهالموقف ؟ او حتى يجي انسان ويحكم عليه بهالاتهامات وهو يمكن ظالم فيها ؟ بس الناس مالها الا المظهر الخارجي ...
يعني وش راح يظر لما تلبس البنت عبايه وسيعه وتكون مستتره فيها ومحتشمه وصاينه نفسها وصاينه اهلها اللى وراها لانها مرآه لهم ،خلونا نظرب مثال ...
لو فيه بنت لابسه عباية راس ونقاب عادي مغطي عيونها كلها ومو باين شى ولابسه دس نفس اللون بأختصار ( اسود × اسود ) وتكون رايحه للمارينا مول هل فى انسان بيضايقها ؟ او حتى بيلحقها ؟ متأكد 100% انه ماراح تلفت انتابهه بالمره حتى لو ان هالشخص خربان لانها فرضت احترامها عليه غصبن عنه ..
واعتقد ان حتى اهلها مثلا لو انا واحد من اخوانها او زوجها راح اتفاخر فيها او انى امشى معاها فى مكان عاااام بعكس اللى لابسه عباية كنها بتتقطع هالعبايه فى اى لحظه لا تحركة اى حركه سريعه والله راح اتفشل ويمكن انتظر فى السياره ولا راح انزل معاها ..
الاغلب لما نجي نسمع اراءهم يقولون فيه بنات مستترات من الى ولكن فى الجوهر مهيب كويسه طيب حنا وش قلنا اللحين ماتكلمنا عن اخلاق البنت او شخصيتها اللى مختارتها احنا تكلمنا اللحين عن المظهر الاساسي للبنت اللى من يشوفه اى انسان راح يحكم يا ايجابي يا سلبي وبعدين ترى المظهر راح يبين احترام البنت حق اهلها او موب محترمتهم
...............
لدرجة انى اهتميت فى الموضوع عملة مثل او شبة الاستبيان راح اتطرق لها فى الموضوع القادم الخاص فى العبايات ولكن حتى لا يختلط الموضوع ننتظر الاراء حول النقاط السابقه ومن ثم ننتقل لتلك النقاط الخياليه بعض الشئ فلقد زرت اكثر من مركز متخصص لهذه الاشياء مثل( بدون اسم ) (السلمان ) ..الخ واسؤافيكم بالنتائج !!
«®°·.¸.•°°·.¸¸.•°°·.¸.•°®»لنا عودة لاكمال عباية محتاجه عباية«®°·.¸.•°°·.¸¸.•°°·.¸.•°®»