السلام عليكم ورحمة الله وبركاته
متواضعه وللتواصل
ليت السهر ينفع عيوني لا بكيت من القهر= كان الليالي تشفع لعيني ويرجع نومها
حملتني يالليل حمل ن مايقوم ابه الظهر= الله يلوم اللي عيوني لا سهرت إلومها
أكبر همومي من سبايب ضيقتي بان وظهر=والخافي اعظم والزمن لا جار عراى هدومها
القلب من حزنه بحر والهم شلال ونهر= تضرب على جال الضلوع امواجها وهمومها
إطول ليلي بالحزن والعين طاولها السهر=هاذيك طول ليلها والنفس يقصر يومها
ياسم حالي من فعول الناس وفعول الدهر=وياحرق كبدي من سوالفها وشين علومها
ليت الفرح عذرى ويدفع لأجلها أغلى مهر= والله لألبسها الذهب من راسها لقدومها
ولو الحزن ينباع بعته دين والمهله دهر= بس البلا سود الليالي شمرت بكمومها
اسامر الحزن القديم اللي معي قد له شهر= اثر الليالي غرت عيوني بلمع نجومها
ولو السهر ينفع عيوني لا بكيت من القهر=كان الليالي تشفع لعيني ويرجع نومها
وسلامت الجميع