"خاص"
طاوعك قلبك تغيب و تهجر احبابك
تنسي غلاهم و تتركهم و تنساهم
حرام تترك خفوقي يشــــكي غيابك
و انته فقلبي اعز الناس و اغلاهم
ناديت و الصوت لا شدك و لا جابك
يا سيدي يا عديل الروح يا فـــاهم
وانته بوجه اشتياقي تغلق ابــــوابك
وانا اقرب الناس من قلبك و اوفاهم
نسيت حتي تقول وشفيك و ش صابك
يوم الالم عذب اعروقي و اشقاهم
بَديت ناسٍ علي ناسك و احبابك
مَتعبت نفسك تدورهم و تلقاهم
نامت عيونك و نام الليل بأهدابك
و الي شكو غيبتك ذالنوم ما جاهم
زادو علي جرحهم كم جرح باسبابك
و ان اقبل الليل صوت الجرح صحاهم
ارسل لك اعتاب قلبي و احسب حسابك
و ابياتي البيض دايم باسمك ابداهم
يجبرني الشوق يجبرني علي اعتابك
و اتمني تقرا ودادك قبل تقراهم
لمت الخفوق اذا قابلك هلا بك
يا اطيب الناس في عيني و اغلاهم