شفت قلبي بعد جرحك يشتكي منك إليـك
يستميح لواهي أعذارك لجل يبقى معـاك
عافني حرّم ضلوعي مايبي صدري يبيك
عاشقٍ مغرم متيّم مستهـامٍ فـي هـواك
كم نصحته ماتركته واللي يرحم والديـك
عافني قبلك وقبلك عاف كل اللـي وراك
رَدّ قلبي : وانت مالك وش علامك مالديك
حل عني عن سمـاي موفـقٍ الله معـاك
بعشقه واعشق ترابه كل هذا عنـاد فيـك
واتحدى الكون كله عايـشٍ ابقـى بـلاك
عيش عمرك دون قلب بلا مشاعر تحتويك
ولاتنادي للمفارق صَدِّق بيرجـع صـداك
يخبرك إني نسيتك من نسيـك ليانسيـك
صعب يتذكر حنانك لالقـى خـلٍ سـواك
شفت قلبي بعد جرحك حالمٍ في راحتيـك
انت كله ونت من له انت في عينه مـلاك
أما كلي دون قلبـي حالـفٍ مايرتجيـك
لو قضى عمره وعمره دون قلبه مارجاك
بالنهايه دوك قلبي اجـرح بكلتـا يديـك
بس تكفى لاقتلته اددفنـه داخـل حشـاك