من اللي فى الخاطر...
يانـاس خلونـي علـى ماطـرالـي
أبدع من القيفان ومشي على الكيـف
أن قلتوا مجنـونٍ فنـا فـي هبالـي
راضي بوضعي وشلكـم؟ ياملاقيـف
درب الـردى مـاطـاه لامايقـالـي
ايضاً ولايمكـن ألـوف؟ المواليـف
من ضرني؟اعطيـه تسعيـن صالـي
ومن طابلي يبشربروس المشاريـف
مانيـب كامـل مادعيـت الكمـالـي
ميران.علمي غانمـاً دوم قـد شيـف
أنـا أحمـدالله خيروالـي جـرالـي
كبـوة جـواد ولاعليهـا تحاسيـف
ذقـت التجـارب والهوايـل هوالـي
طلعت غصبْ بفضل ربي على الطيف
أمشي برايـي دوم مـن حـر مالـي
مالـد يـمْ ألـي حفظهـا بتغلـيـف
الله علـى ربـي توجـه سـوألـي
يوم أن بعض الناس تجنح عن السيف
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي