كانت الصورة جميلة
وكان في الصورة طفل
وخلفنا كانت مرة تلبس عباة
وفـ طرف الصورة ولد يضحك صباه
وقربنا حطت حمامة ... قربها حطت حمامة
تذكرين اشكثر كان الوقت ... شفاف ... وحنون
و ... طيب و ... مبهج و ... دافي ومتسامح
وكان في الصورة وهذا اجمل اللي كان في الصورة ... طباعك
نظرتك والشيطنة في داخل عيونك جنونك ... واندفاعك
بسمتك لما تطوقني ذراعك
اذكر إني قبل ندخل هذي الصورة في لحظة
التفتي لي وقلتي : قول احبك
قلت اخاف اليا تكلمت احرم اذني من سماعك
كانت الصورة جميلة ... كنتي في احلى نفانيفك
كأن الصبح ضيفك
أو كأنك من كثر ما كنتي انتي ... كنتي طيفك
كنتي في اكثر مواعيدك وفا
وكنت انا فـ اكثر ايديني دفا
كانت الصورة جميلة
وكان في الصورة طفل
مدري من اللي قايله بس مره حبيتهااااااااااا اتمنى تحبونها زيي