تقول احبـك قلـت منـك تعلمـت
تقول اغار وقلـت كلـي فديتـك
يالي بظلم الحب شاركت واسهمت
لو أن للعشـاق قاضـي شكيتـك
حتى بحلم الصوت من مرقدي قمت
يامنتهى حبـي رجعـت وبديتـك
ياغاليـه يافاتنـه لـو تألـمـت
لو تطلبي الخفـاق والله عطيتـك
ارجوك زاد الكيل الا انتهى الصمت
الى متى كـل ماذكرتـك بكيتـك
أنا الذي بالذات للنفـس حرمـت
ماحب غيرك ولو قتلنـي حييتـك
أنا شهيدك وانت في حقي اجرمت
وأذا سئلتي في الجريمـه عفيتـك
بسباب حبك زاد عذالـي الشمـت
وأن مارحمتينـي بذنبـي بليتـك
حتى بسوالف عابره لـو تكلمـت
اجيب انا اسمك كثر ماني هويتـك
مدام قلبـي والمشاعـر تسلمـت
ارجوك ترحمنـي لمنـي رجيتـك
طيب حبيبـي دام منـك تعلمـت
من بعد هذا وش بقـى مافديتـك