ماكني اعرفه ولا كني ابغيه = وانا عليه من امه احب واجرى
وان حل طاريه تجاهلت طاريه = ماكني ادري عنه وانا به ادرى
بسكات يغليني وانا حيل مغليه = لاتيلفون ولا مواعيد عذرى
يصون ودي عن عذوله واحاميه = وانا عليه احجا من القلب واذرى
حبن عفيفن والصراحه سواقيه = في وقتنا ماظنتي زاد يطرى
لا اسولف بحبه ولاني بكانيه =وغيري لو انه يوالفه كان هذرى
احشم قريبه خشمتن له واداريه = واخشى يجي في خاطره شي وادرى
واكبر دليل اني الي غاب احاتيه = كم ليلتن ماتت على كف مسرى
وان قالو انه شرق وازريت لاجيه= وجهت وجهي كل مانمت حدرى
