فديتك ياهــوى نفسي مع الشــدات خاويني
فديت لا قسى وقتي علي وناحــت اشجاني
ابيــك في لحظه الفزعه تــحط يدــيك بيديني
وابيك ليا شكيت اليأس تكون بساحه اوطاني
ابيك البلسم لجرحي وابيك النــوم في عيني
وابيك اللي ليامني صــحيت القاه بأحضاني
طلبتك يا بعد ذاتي امـــــــــــــــانه لا تخليني
تراني لو رحلت ابقى ضحيت كيد عدواني
سألــتك بالله الـوالي سألتــك لا تجــافيني
لاني امـــوت بغيابك يا روحي وجثمــاني
معي واصل مشاويرك اواسيك وتواسيني
معي ابقى مثل ظلي حذاااارى لا تعداني
ابي مــنك الوعد انــك على غيري تبديني
وانا هذا وعد مني ما ابيعك واشري الثاني
واذا بلسانك الصادق نطقت وقلت تغـليني
انا با اعلن خبر عاجل تعالو اقرو اعلاني
ابكتب داخل الاعلان الى من صار يغليني
الى قلبي الى عمري الى من صار يهواني
اليك اهدي نغم شعري وكل عرق نبض فيني
اليك اهدي شذى عطري ويا سميني وريحاني
وابي اكتب داخل الاعلان وصيه كان شاريني
معي بالطيب عالمني ولا تــجرح بهــجراني
ومهمــا تقــسى الدنيــا علـــينا لاتعـادينــي
ولا تسعى ابد في يوم في عندي وعصياني
ابيك دكتــور لالآمي من احــزاني تداويني
وابي لا كفت ابصاري تكون النورلا اعياني
وابي لا فاضت انفاسي تكون اول معزيني
وابيك بيدينك الثنتين تلف الجسم با اكفاني
وبعد ما اكون في قبري تذكرني وتبكيني
واكون دايم على بالك ما تغفل وتنساني
ابي لا قالو العذال وش اللي بينك وبيني ؟
تبسم وتدمع عيونك من الحسره وفقداني
وتجاوبهم اني حي وبالاضلاع تخفيني
واني سلوة الخاطر معك لاصرت وحداني
ابيك تقول هو ما مات احاكيه ويحاكيني
ابيك تقول هو موجود وخبيته بوجداني
ابيك تقول هو دمي اللي في شراييني
لانك دمي اللي كان يضخه عرق شرياني
وابي لا زادت جراحك تخيلني وتناديني
وتفتش داخل شعورك وتهمسلي وتلقاني
واذا طال السفر اقرأ كتاباتي ودواويني
وقل يا كثر ما خلي كتب لي شعر واهداني
ترى لو للقصيد عيوون والله ما تقديني
لان للقصيد عيون واسمك رمز ديواني
وترى لو للحروف اهداب تعجز لا تغطيني
لاني للحروف ايحا ووحيك سر لاذعاني
تداركت الزمن يمك الا ياليت يمديني
اخاف اجيك متأخر وسيف الوقت يا طاني
نسيت من اجلك الصادق اللي الروح يعطيني
ونسيت الاول والاخر والقاصي مع الداني
وجااااري المسح للباقي وانت اللي تكفيني
حرام احط معك غيرك واحبك واظلم الثاني
كفايه انت في دنياي امل باقي يسليني
امل صوته اذا ضاع الامل القاه با اركاني
كفايه همسك الحاني اذا جاني يدفيني
ويبدد وحشه ظروفي وتشرق فرحه اكواني
تراك بعالمي شمعه تبدد ظلمه سنيني
وتراك بدنيتي دنيا لها لون وشكل ثاني
انا سميتك الدنيا وانته وش تسميني
ودنيا ما بها حسك ما ابيها وعمرها فاني