[الشيخه شيخه]

ياللي غيابك صعب يطري علي البال...
تركتني ضايق وحاير ومفجوع...
ما كني الا شايب فاقد عيال...
وما كنك الا محرم حق مشروع...
يفوع لك قلبي ليا مر وصال...
ياليت مالي قلب يشتاق ويفوع...
حسبي عليك شلون قطعت الأمال...
وأموت لا صار الأمل فيك مقطوع...
ياصاحبي ماكل نزال رحال...
أنت الحيا من وين مارحت متبوع...
نسياني لزولن بالعماق يغتال...
أصعب على صاحبك من حبة الكوع...
لو الثمن في شوفتك عمر رجال...
كان الثمن من يوم ماغبت مدفوع...
ولو القدر ماتم قوله ليا قال...
ماضاق صدر ولا أنحنا راس مرفوع...
وأنا عشانك جيت والغيم همال...
أسيل الوديان وداحم أجموع...
ماردني عنك سواليف عذال...
تزعل علي ربوع وتقدر ربوع...
كان المهم عيشك أجنون ووصال...
ويكون لي كلمه وراي مسموع...
واليوم ضاقت بي من الجال للجال...
فرقاك تقسم ظهر وتحز وتلوع...
لو جيت شفت الحال مايسرك الحال...
في غيبتك ضايق وحاير ومفجوع...
هذا غياب أسبوع وشلون لو طال...
طالبك لا يطول غيابك عن أسبوع...