ياللي تبيني ولا ادرى وش تبي فيني
هرجك معي غير عن باقـي حركاتـك
مره تجيني غـلا وأمـرار ناسينـي
أتعبتنـي بيـن روحاتـك وجياتـك
أن كان قصـدك تعذبنـي وتشقينـي
تعال شوف بخفوقي جـرح طعناتـك
تدمي جروحي وتنزف من شرايينـي
ويضيق صدري وتجرحني عباراتـك
لو أحبس الدمـع تحرقنـي براكينـي
ولو أرفع الصوت ماترحـم بوقفاتـك
كنت اسهرك ليل وادموعي تبارينـي
وأعيش يومي وأنا انطر تسمح أوقاتك
حزني وجرحي وغربالـي مخاوينـي
وألا أنت ميت مشاعر حبـك لذاتـك
صبرت لأجلك وصبري مـا يكفينـي
راحت سنيني وروحي فـي مناجاتـك
عطيتك سنين حبي وأذكـر سنينـي
يومك على شوفتي تسرع بخطواتـك
حلفـت لـي للنهايـه مـا تخلينـي
تمشي على خاطري من قبل رغباتـك
رفعت قدرك وغيرك طاح من عينـي
وأبكيت ناسن بشعري تبكـي أبياتـك
كنت احسب انك تغلا وانـت باغينـي
واثر التصنع حقيقـة مـن علاماتـك
واليوم راجع علـى فرقـاى تبكينـي
نسيت ظلمـك وطغيانـك وهفواتـك
خلاص قدرك نـزل ماعـاد تعنينـي
ماعـاد ينفـع تبـرر كـل غلطاتـك
خلاص مات الغلا لا عـاد تطرينـي
ألغيت من دفتـر العشـاق صفحاتـك
وسلامتكم