يـا عـذاب القلـب عافـك وســلاك
أحسب انـي ماقـدر اقـواه وقويـت
صـورك لـي الخيـال انـك مــلاك
لـيـن قـلـت كلـمـةٍ عنـهـا سمـيـت
إسمك اللي رافعـك عـن مستـواك
لا يغـرك بعـت مثـلـه واشتـريـت
غلـطـةٍ مـنـي تـمـاديـت ابـغــلاك
غلطتي صدقـت بانـك لـي وفيـت
كم سهرت الليل فـي حـروة لقـاك
كـم تـراوى لـي خيـال انـك لفيـت
كم شربت المر فـي كاسـة جفـاك
كم جرحت و كم طعنت ماشكيـت
كم بظنـك قـد دمحـت لـك خطـاك
كم عطيـت ومابخلـت ولا خذيـت
كم نظمت بـك قصيـد مـن غـلاك
وكم كتبت وكم حرقت وكم قريت
كـم وكـم وكـم وكــم وكــم كـمـاك
لـو أعـد إلــى الأخـيـر مانتهـيـت
مشكلـه إحتـرت فيـك وش بــلاك
مبـدأك إحتـرت فـيـه وش بغـيـت
دامـك تخـالـف وتخـلـف مبـتـداك
وش أبي بك حتى لو إنك رضيت
رح عسى دربك سهال ومايخفاك
إنـك انـت الـلـي بديتـهـا وجفـيـت