أضحك واقول إن المخاليق يبكون
وابكي واقول الكون كله سعاده
متناقض(ن) ماأبغى المخاليق يدرون
حتى الدهر ياناس طوّل عناده
أضحك إذا قالوا المخاليق بتهون
واكتم على ونات قلبي زياده
ياكيف أبضحك يابشر وشلون ؟
دام الفرح عبد(ن) والأحزان ساده
ياكيف أبضحك يابشر وشلون ؟
دام الحزن كنّه وسام وقلاده
ياكيف أبضحك يابشر وشلون ؟
دام الحزن شخص(ن) وصدري بلاده
ياكيف أبضحك يابشر وشلون ؟
دام الحزن بارود كابس زناده
ياكيف أبضحك يابشر وشلون ؟
دام الحزن صار في دنيتي عاده
منكم من اللي يسعده قلب مطعون
ومنكم من اللي ينجرح لي فؤاده