لا تلتفت ماوقفت أرتاح في ظلـك
ولا وقفت أحتريك ومقصدي شوفك
قبل وبَعْد ماتصير المشكله حلك
أنسى ومصير الليالي تدفن حلوفك
جفت دموع الغلا ولو تشتعل كلك
ماجيت أطفــّي بقايا جمرة كفوفك
ماعدت أنا صاحبك .. ماعدت أنا خلك
دوّر على من عيونه تقبل عزوفك
أنا عيوني نظرها عافك وملك
حتى وانا في منامي أكره وصوفك
من علمك للتغلي قصده أيذلك
ماهو اللي ثوابه رحمة ظروفك
قلبك دليلك ولكن بالخطأ دلك
على نهاية غلاك وشكك وخوفك
مع الهبايب تطاير كثرك وقلك
ونبض المحبه توقف لحنه بجوفك
ان قلت احبك لساني بالغلا زلك
كان المفارق جماله هاك معروفك
ياللي جروحك تطيب ولا شفى غلك
لو الدفاتر ورقها تعطش حروفك
لا تلتفت ماوقفت أرتاح في ظلك
ولا وقفت أحتريك ومقصدي شوفك