ماعاد باقي في العمر كثر ماراح
شفني مثل زرعً عطاشا سواقيه
في غيبتك ادروبنا اطلال واشباح
وناي الحزن هوج العواصف تغنيه
تعال ترى عمري تنهات وجراح
كود الوصل والحب للحال يشفيه
على وثيرالصدر خليني ارتاح
ثم اسقني من مبسمً العسل فيه
وان ماحصل وصلك فيا لوعتي اح
الله لا يبيحك على اللي تسويه
ماهوب ذنبي كان حضي معك طاح
حكم القدر ياصاحبي لا تحاتيه
انا ارتجي وصلك ولو سدنا باح
يبقى الامل شمعه على درب ساريه
تدري وش اللي للمحبين ذباح
شوف الحبيب ولا يجيلك تحاكيه