السلام عليكم ورحمة الله وبركاته
اليوم جمعة
وعادة ً مايتجمعون في هذا اليوم الأهل والأحباب
كان نطاق الإختيار بالنسبة لي واسع رغم ذلك وجدت صعوبة في إجراء المقابلة
مع أحد الأطفال لأن سرقة الطفل من وقته باللعب مثل سرقة دقايق من وقت التاجر
أثناء عمله وتداوله في البورصة
أخواني المشاهدين .. أخواتي المشاهدات
نسعد بإطلالتنا عليكم عبر شاشة منتدانا الكريم في برنامجنا "مقابلة مع طفل "
واليوم معانا أحد الأطفال الحلوين نتركله المجال يعرف بنفسه
ممكن تعرف السادة المشاهدين بنفسك .؟!
؟؟؟
طالعني بابتسامة كنه ناقد علي
قمت ووقفت المراكي قدامه وقلتله الناس تفرج عليك و
قعدته عالكرسي وفهمته الوضع عدل
وأبدى تجاوب معاي الحمدلله
إسمي عبدالله ... ... ... العجمي والنعم << لازم كامل ويختمها بالنعم 
وسبعة أنعام ياعبدالله .. وعمرك ياكابتن كم .؟
أربع .. يعني كذا << وأومألي بأصابعه الأربعه
طيب تعرف أنا شنو أصيرلك .؟!
خااااالي .. وقرن إجابته بنفس الإبتسامه أعلاه
1/ / وش تسوي /ن إذا صرت /ي فاضي / هـ ؟
ألعب كوورة وألعب بالبي إس بي
2/ لو فزت/ي بـ 1000 دينار وش تسوي/نفيها ؟
أروح ألعاب كويت ماجيك << مقطوط سره بكويت ماجيك الحبيب
3/ وين ودك تسافر/ين في الاجازه؟
دبي مووووول
كنااية عن دبي
4/ لو صرت/ي مدير/ة مدرسة وشبتسوي/ن ؟
أطرد الصبيان الشيااطيييين
5/ تحبني يا........ ؟
إي أحبك هاالكثثثثثثثثثثثثثثثرر
ولوّح بيدينه بشكل أفقي
طيب ليش؟؟
لأنك تودينا الفرع دايما ً
6/ وش تعرف/ين عن :
- الأنسولين :
سكت وقام يتصدد هههههه
دريت إنه ضايع
- الإنترنت :
كمبيووتر وأشر باصبعه عاللاب توب
- مجلس الأمــة :
جدي كله يقول إسمه
بس ماعرفه
- الإتيكيت :
الحمدلله والشكر .. أنت شتقول .؟
<< ههههههههه
-التعليم العالي :
إيييييي هذولا يدرسووون فيها
- الماركة :
ملااااابس .. صح خالي .؟
- الستالايت
هذاا أول حطووه فوق بيتنا << وقاام يسردلي السالفة
أشكرك أستاذي على تسخيرك لنا من وقتك الثمين
وتمنياتنا لك بدوام الصحة والسلامة
علّيتني الله يصلحك ويبارك فيك 
شكرا ً أخت حمران النواظر
على الإختيار وآمل إني وفقت
مع طفلنا بالمشاركة
.