قالوا تحـــب..؟؟! قلت للحب راعيه
وانا من اهل الحــب والحب ظلّـي
الـحـب مـثــل الـســوق يـرخــص بغـالـيـه
فيـه الخيــانـه والـغـــدر والتسـلّــي
ولـو كــل غـالـي عــاش مــن شــان مغلـيـه
يعنــي دمـــوع العيـــن تبطـــي تهلّـــي
قـلـبـي رهــيــف وبـيـنــات(ن) خـوافـيــه
يتلـــه المـــزيـون تــل المظـلـــي
مـيــر الـبــلا لا بـيــح الـقـلـب خـافـيــه
يحتـل قلـب الزيـن جيـش التغـلـي
والــيــا تــغــلا.. راح قـلـبــي يـراضـيــه
يمكـن يعـوَد ياعسـى يـا لعـلـي
والـيــا رحـــل.. يبـكـيـه قـلـبـي ويـرجـيــه
واليـا صمـل فالـدرب خلـه يولـي
(يلـعــب) وقلـبـي يــا عـــرب بـيــن ايـاديــه
الظاهر انه فالهـوى مـا فطـن لـي
يهـتـز وجــدي كــل مـــا حـــل طـاريــه
وان شفت زوله قمت ارّحـب واهلّـي
والـحــب لـــو يَـشــرى بـديـنـار وجـنـيـه
لاشري جميع الحب من شان خلَي