::
::
وقف نزف القلم يبحث على ذاك الثرى والطين = على ذاك اليتيم الي وطى فوقه وهو حافي
عبث حاولت أحول في يديني هالقلم سكين = وأصحي النوم من نومه، وأقوم هالملا الغافي
لعنتك يالضمير ألي يحس أنه من الناجين = كرهتك يالعقول اللي تدور كلمة سنافي
يتيم ، وكل أحلامه بنوم يأكده تنوين = حرام يموت من برده وحوله هالملا دافي
حياته من طرف عينه لأخر فرحة العيدين = يلامس في يدينه ألعاب وهذا حلمه وكافي
إذا كان اليتيم دموع وصار الكون كله عين = ومتى تفتح عيون الكون وتطرد لعنة السافي