خاب الرجى ياليّن العود =جيّرت حكمٍ في ذهابي
انهيتني ماعدْت موجود =واصبحت باسبابك سرابي
مرحوم قلبٍ مات ملهود =من فعلتك زين الشبابي
مالي جدا ياكود معبود =يرحمني من اعظم عذابي
واشكي عليك الحال ياسعود =خذ في يدي وافتح كتابي
وانظر وش اللي فيه منضود =وافهم دفينه يالمهابي
شف باسمها كم صرت مشدود =وكم عنْونه حرف وخطابي
وكم لاجلها قلبي خفق زود =وكم لاجلها ناخت ركابي
ياسعود لاجلك سيد الجود =وانت المروّض للصّعابي
حلّه عسى تلقيك باسهود =جيش الالم دقدق لبابي
وافي