تخطي علي .. واستسمحك .. وتراجاك
ضعفي هواك ..وفطنتك ماتخونك
المشكل اني كل .. ماجيت ابنساك
فكرت نفسي كيف .. ترتاح دونك
وما ظن لاهذا ..ولاذا.. ولاذاك
واللي سمعت بذكره ... يعوضونك
تدري اني اعشق فيك شامل سجاياك
زينك وشينك .. في قساك وليونك
واني متيم في محاسن محياك
وتعرف على وشلون .. سلطة عيونك
تامر علي من موقها الموت ... هذاك
واطاوع امره قبل ترمش ..جفونك
رديت قلبي عنك لاشك..هو جاك
وجيتك معه راضي بمقبل طعونك
ارجع واقول .. اهواك..واهواك واهواك
وبكفيك اتعذب ... ولكن بهونك