تعال شفني شسوي يـــوم يطرونك
الشوق كنه يسابقنـــــــي على بابــــك
صدقني ما عيون احلى من عيونـك
يــا خف روح القصيد اليا تغنا بـــك
خذيت لون القمر مدري خذا لونـــك!
مرات احسبه اليــا من غاب باسبابــك
ارقد ورى مرحبا واصحى مع شلونك
يا كثر ما نامت عيونــي وتـــصحابك!
باحي وجه السهر من صرت مجنونك
ليــــل يجيبـــــك وليل راح ما جابــــك
ارجع وخذنــي غلا ما هو على هونك
أو تـــدري كثر الهموم بليلة غيابـــــك
حبيبي انت العمر وشلون ما اصونـــك
وان جيت للجد محد غيـــري اولا بك
منــهو يجافيــك منهو يقدر يخونـــك!
عاد انت خابرنـــي اوــا لك من ثيابــك
بــعلمك بالصراحة يــــوم يطرونـــــك
ما ادري الا وأنــــا واقف على بابـــــك