وش فيك تبكي فديتك يابعد عمـري
حرام والله أشوف الدمع في عيونك
تعال حط راسك على صدري
ماجات ناسٍ على الدنيـا يبكونـك
فديت روحك وعمرك واااه لو تدري
انك في عيني طفل مابي يضرونـك
امسح دموعك مدام أن اللقاء بدري
واضحك حبيبي ترى واجد يحبونـك
ودي أشوفك هذاك اللى على خبري
تضحك وطير الفرح يغـرد بكونـك
الحزن قبلك ترى في دمي وحبـري
وفالناس غير الحبايـب لايهمونـك
الليل توه وأخاف من الوله يسـري
وانا من اول ابي فرقاه مـن دونـك
خلك مابين الشعور الطاغي وشعري
وانسى جروحك ودمع العين وطعونك
أبيك تسكن بروحي وقلبي وفكـري
اباخذك عن جروح الناس وصونـك
الناس لو عاشت بطيبتك ياعمـري
ماكان واحد تجرىء يبكي عيونـك