ساد الفخر وجه الفجر صبح كانـون=صبح عليـه الحـزن معنـى مغيبـه
لكن له من أهل الفخر ساس وركون=فيـه الشبيبـي يتفخـر فـي شبيبـه
ماهو فخر أهل السبـق والمراثـون=ولا فخـر مـن غـط عيبـه بعيبـه
الا بفعلـن مابعـد كـان ويـكـون=منا وحـن مـا كـاد دربـه نجيبـه
مالله خلقنـا نتبـع الـذل والـهـون=والذل لـه مـن يتقـي فـي شعيبـه
صدورنا دون الخوي درع وحصون=وايمانـا مثـل الرمـاح العطيـبـه
افعالنـا دستـور ثابـت ومصيـون=وامجادنـا ترقـى بـراس الرقيبـه
خوفـن يقـال إن ال مـره يذلـون=بعنا العمـر بيـن الطليـب وطليبـه
بربوعنا اللي باعوا الروح مـن دون=خويهـم ماهـي عليـهـم غريـبـه
اسلاحهم ذرعان وصـدور ومتـون=ونطح الرصاص بقلب ما فيه ريبـه
ولاحـن نسويهـا علشـان يـدرون=إن حن رجاجيل الأمـور الصعيبـه
إلا نعلـم كـل مـن ضمـه الكـون=ان روسنـا يـوم الملاقـى صليبـه
دون اخويانا ندفـع الـروح عربـون=نموت مـا نرضـى حيـات الغليبـه
ودون اخويانا نرخص اشناب ودقون=شبـاب ولا شايبـن بــل شيـبـه
لاوقفـت واستغلقـت غلـق كيلـون=وصـار التقـدم والتراجـع مصيبـه
نزتها لاجـل الخـوي زت مجنـون=ولا انتغالـى سعرهـا باللهي بــه
نمون يالموت الحمـر وانتـه تمـون=اخـذ العمـار وفعلنـا ينحكـي بـه
وفلو الجدايل ياذوات اشقـر اللـون=اللي مثل عنـق الحصـان وسبيبـه
انتوا مـن افعـال النشامـا تزفـون=اللي شروا بالمـوت راس الجبيبـه
يا ربعنـا الغفـران تكفـون تكفـون=بعض المقابـر مـا تحـط بنصيبـه
تسقـى بكنبـودي معتـق ومدهـون=من شـان تفـرق للرجـال العريبـه
يا زياد يا ابن الشيخ للطيـب مامـون=ومن طاب مثلك مـا نتغافـل بطيبـه
بياض وجهك طول والوجه مصيـون=ويشهد لك الرجل الجريـه صويبـه
وفادوك شجعان على العـز يمشـون=ربعن لهـم سمعـه وقـدرن وهيبـه
ما واحد" منهـم تلـوى الدركسـون=يوم الجبل لسود عـوى فيـه ذيبـه
تحزمـوا بعمارهـم مـا يحـسـون=وساقوا الغضب لأهل الوجيه الغضيبه
عاداتنا يـا زيـاد والرجـل ممنـون=باللي انكتب لـه فالحيـاه ونصيبـه
ننطح سهام الموت وابليـس ملعـون=لـو إنهـا بيـن النحـر والتريـبـه
خوينـا يـا زيـاد مـا راح مغبـون=مـن شانـه نخلـي البعيـده قريبـه
خوينا يـا زيـاد فالحفـظ والصـون=سلومنـا وسلـوم اهلنـا العريـبـه
الشـــاعر : زايد آل كروز