[هيبه ابدويه]

أغرس علـى صدر الهوى طعنة ايـديـك....

وادفــن غــلاي ومـاضـي الـحـب خـلّــه

كنـت أمس غالـي لكـن الـيـوم ما ابـيـك....

مـا أبيك لـــو إنّـــك دوى كـــل عـلّــه

مـا أبيك لــو روحــي تـنـازع وترجـيـك....

مــادام فــي حـبـك خـضـوووع ومـذلّــه

أبتركك لـو صـوت الأشواق يدعـيـك......

وامحـي الغـلا مـن داخــل القـلـب كـلّـه

واطوي زمـن حبـك وصفحـات ماضيـك.....

يووم الغـلا ياصـاح مـا أنتب هـلٍ لـه

دور عـلــى غـيــري حـبـيــبٍ يـجـاريــك......

يـقـبـل خــطــاك ويـحـتـمـل كــــل زلة

رمــيـت قـلـبـي بـالـعـنا والتهاليـــك......

وكـرّهـتـني بـالــحـب دقّـه وجــلّــه

واسقيتـنـي هـمـك وانأ بــس أداريك.....

مــالـلـوفــاء درب ٍ ضـمـيــرك يــدلّــه

بـكّـيـتـنــي والـــيـوم والله لا بــكّــيــك.......

دمـعـك عـلــى فـرقــاي تـبـطـي تـهـلّـه

خـذهـا نصيحة فــي حيـاتـك ووصـيــك.....

إلاّ((حـبـيـبـك))لا تـحــاول تــــذلّــــه

قلـي وش اللـي بـس للـغـدر حـاديـك......

وسـيـف$$الخيانة$$لـيـه كـفّـك تـسـلـه.؟

حـسـبـي عـلـيـك الله عـنـي يـجـازيـك.....

{مــالــك أمــان ولا عــهـــودٍ ومـلّـه}

قـصــة غـــرامٍ مـــات سـبّــة تجـنّـيـك....

تِنْقَـش عـلـى صــدر السـحـاب المظلة

تـاهـت مـراكـب حـبـنا فــي مـوانـيـك.....

بـيــديـك مـاخـلـيـت شــي بـمـحـلــه

وش لي بنبض القلب لو ضجّ يـبـكــيـك .......

وأنت أكبـر جــروح العـنـا و المــذلة