السلام عليكم ورحمة الله وبركاته ما بعد كلام سيد الخلق كلام صلى الله عليه وسلم ولكن أسئلة إن جاوبتوا عليها بما يوافق الطرح ومؤيديه ضيفوا اسمي إلى قائمة المؤيدين كم تبين مهر ..؟ كم المهر اللي يرضيش ..؟ هل تستغنين عن مستلزمات العرس وكمالياته لـ تخففي على الرجل تكاليف عرسكم ..؟ طيب برأيك رجال زمنا هل -كلهم- غير قادرين على تحمل تكاليف العرس ..؟ طيب لو قلنا إن فيه بعض الأبعاض غير قادرة كيف تكون الموازنة والتقسيمة بين القادرين وغير القادرين ..؟ هل لكلٍ منهما تعامل خاص ..؟ طيب برأيكِ شاب غير قادر على تكاليف العرس كيف (يحفر القاع) ويطلع فلوس حق سفرات وخمبقة ..؟ لحد يحاول يقنعني فـ يرقع ويقول مو كل شبابنا يسافرون الغالبية العظمى ولا تزعلون هنت لهم الخمبقة واستصعبوا الحلال .. عجيب ..! شبابنا إن ما تعبوا في العرس وانشقت وجيههم من تكاليف العرس ما راح يضبطون حالهم شوفوا رياجيلنا على 2 وثلاث بالله شلون جاب الفلوس ..؟! عشانه ماشي صح وعارف وين تروح فلوسه معناته الخلل في -بعض قليل جدًا من الأبعاض- مو عارف المسؤولية شلون يزوجونه .؟! فيه فئة قليلة تلحقها جدًا لي بكرة هم اللي ضايعين بهالسالفة بس شلون نميزهم ونطلعهم من بين هالكم الهائل من الشباب الله يهديهم قلنا لا نؤيد البذخ والمبالغة ولكن : تبين الثوب الأبيض بالقيمة الفلانية وطقم راقي مع الثوب الأبيض وميك أب ليلة النحس عفوًا العرس وتسريحة وعبايات وملافع وجناط ماركة وشحاطات ونعول -تكرمون- مجموعات من كل الأشكال والألوان و3 إلى 5 ساعات ماركة وبدل ودراعات استقبال لأهله وجماعته بالله هذا كم يكلف ..؟ وإلا بتهجين لحالش في بر ومحد يجيش ولا تجين أحد ..؟! هو المعرس نفسه يبيش تكشخين أكشخ من عندي يعني ..؟! لاحقة خير عادني بكشخة مثل ما كشخني بأول العرس بيطلع من بؤبؤ عيني مهري عساكم تعرسون إن شاء الله بأزواج صالحين يارب ويكونون من البعض القليل جدًا لي بكرة الطيبين اللي ينطمع فيهم ويطلعون طلعة عن شباب هالزمن