تبين تضحكين وتبكين بنفس الوقت ناقده؟؟ الكلام موعلى رجال خليجي ولا رجال اجنبي ... الكلام عن الله جل جلاله ... أنا سافرت لبلدان قد شعر راسكم ...بحكم وظيفة أبي ... العامل الواحد اللي شفته مشترك في اغلب المناظر واللي يمثل 90 بالميه إذا مو أكثر .. (( المنقبه واللي تلبس عبايه سواء عباية راس ولا عباية كتف ..بقدرة قادر تصير سفور ومفرعه إذا جاز لها الوضع )) طيب إنتي بالاساس تنقبتي ولا لبستي عبايه ولا تحجبتي عشان الله سبحانه ولا على شان عادات وتقاليد ومن حنة وتصطر ابوج وأخوانج ؟؟ يعني اللي البست نقاب وحجاب وعبايه عشان الله سبحانه وتعالى وتعاليم دينه ...الله بس بديرتنا وبره باااح ؟؟ استغفر الله طبعاً إذا لابسته مغصوبه مانقدر إنتناقش معاها لأن إن كثرنا معاها الكلام بتقط كل ماعليها مره كنت مسافره لتركيا ..ودخلنا سوق بازار ..طبعاً هذا سوق ياكبره كبرااااااااااه ..وكنت مع اخوي اللي اصغر مني وحنا نفتر بالسوق من داعوس لاداعوس (( السوق هذا سوق يعتبر شعبي )) وبحد من الدواعيس تناطحنا مع واحد ومرته يقربون لأبوي من بعيد ...البنت أنا اعرفها متغطيه بالكويت .. بتركيا جينز وتي شيرت والحمد لله والحمد لله عليها حجابها ما عفرت فيه وجاها هبالها وسوته ربطه لخصرها المهم لما شافتنا تعووومست وما عرفت وين تندس ..انا بطبيعة الحال وكالعاده تليقفت وسلمت عليها ما عطيتها فرصه تهج ..وهي تسلم تحركت تحركت لين صرت انا جنب زوجها وهي عطت اخوي ظهرها !!...انا استغربت !! وما خليتها بقلبي لما ردينا الكويت واجهتها بعزاء حد من جماعتنا طبعاً هي ادخلت وسلمت علي وانا مبققه عيوني وماني عارفه هي منو ...ليش ؟؟؟ لأنها كانت متغطيه قالت لي أنا فلانه ...انا تدرون بالساني مفتلت قلت لها : زييين اسلمتي مره ثانيه هي بلعت العافيه وانثبرت جنبي ...لما خفوا الناس سألتها يوم إنج تفترين وحنا بسوق بازار وتخليني اصير بجنب زوجج ..علامج ؟؟ قالت لي وهي اتبوسم ..استحيت من اخوج محمد يشوفني سفور وخفت بكره يقول مرة فلان شكلها كذا وكذا للجماعه ولربعه خافت من أخوي وهو ولد عمها وزوجها أخو أخوي من الرضاع يعني اللي خافت منه هو حماها إنه يفضح فيها ماخافت من ولد جارهم اللي كان معاهم بنفس الفندق وشايفها بطالعه ونازله وهي ويا فرتها سفور يفضح فيها ...لا ..خافت من حماها شئ يقهر ويفقع المراره ..من كثر ما انبهت من ردها إنطرمت حسيت خساره فيها الحكي . يسلموو نقووده على الطرح القيم ... يجزاك الرحمن الجنه عليه.
__________________ * * * *