يا مل قلبن بين الأضلاع منتـوق=من شين علمن جاتني بـه رسالـه
فزيت انا كني على الخد مصفـوق=كني طريح طاح من شيـن فالـه
قالو توفى مانـع حامـي النـوق=أنشهـد أنـه وافيـن بالرجـالـه
مرحوم يا للي للجزيلات عاشـوق=كريـم سبـلا مـا يوفـر حلالـه
الله من دمعن علا الخـد طـاروق=عليـك ياعمـي زعيـم الشكالـه
يبكي عليه مسيرن ساقهـا سـوق=ساق الركايب ليـن نـوخ حيالـه
يلقى الشحم ومهيلن ناطـع الـذوق=ويقلـط الترحيـب لقبـل وجالـه.
ويبكي عليه الضيف والجار محقوق=وتبكي مراكيـه وتبكـي دلالـه.
لايافرج كانك من الحزن محـروق=واعرف ترى قلبي سريع اشتعالـه
ابغيك يامشكاي تاتي على الـذوق=نلقـاك لاجينـا ترحـب بـدالـه
ياالله يامنشـي مخاييـل وبـروق=تنشي على قبـره وتمطـر خيالـه
هذا وصلو عد مـن راح للسـوق=وعداد من يكتب حروف الرسالـة
(((( صح لسانك والله يغفر له ويرحمه رحمة واسعة )))