[@ فــهــد @]

.
.
.

بسم الله الرحمن الرحيم

جاءت هكذا فإسمحوا لها بالمرور ..

للتواصل بعد غياب ..




.
.

الحب ( رايع ) وأكثر الناس .. ضايع=والبعد بلوا / جعلني ما أعرفها ..
يا صاحبي لو الليالي .. تبايع=ما شفت قيس بن الملوّح عكفها
سوء التفاهم .. والغضب .. والنزايع=كرهتها / لكن حبيبي .. ولفها ..
ضايق علي / جيته على درب ( خايع )=فيه المطر أسلاف ساقت خلفها
يافاتنٍ ماني بـ هالفعل .. بايع ..!=جيتك .. ولا لي فالمعاذير / كفْها ..
جيتك / بعد ضاقت فجوجٍ وسايع=جيتك / بعد ليله .. طواني قرفها ..
ماني موصف حالتي وانت لايع=روّق وخل الحال مع من وصفها ..!
ما فارق ( الجفنين ) سود الولايع=ساحت .. عيوني / وأستباحت .. ذرفها
ضايع أمنّي .. خافقي بالذرايع ..=يدعيني لأشياء .. صعب أعترفها..!
ليله .. بها ذكرى .. وحبر .. وودايع=أتذكرك .. وأتذكرك في طرفها ..
يومي معك .. والليل .. ذيك الوقايع=كانت كما جنّه عسيرٍ تلفها ..
وأقول لك : بوح الأحاسيس رايع..=بيح الخفي .. وتقول : إلا شرفها
يومك معي دلوع / حالي / ومايع ..=كن السوالف ( ريش ) منهو نتفها ؟
لا صرت ( لايع ) شي بتقول : لا / يَع=ولاصرت ( هاوي ) حاجةٍ / تحترفها ..
ذكرى ( وعودك ) يا رقيق الطبايع ..=وفها .. تراها دين عالحرّ / وفها ..!
والحين تكفى .. دام مابه / نزايع=جيتك بعقلٍ / والبشر في خرفها..
اعرف ترا ما جيت ضامي وجايع=إلا عشان أسباب أنت تعرفها ..!
مازلت أقول إن أكثر الناس / ضايع ..=لو كان ذقت من الليالي / قرفها ؟

.
.

سوالم


مبارك عليكم الشهر




.
.
.