.
.
.
يا نفس صدّي عمد وأرقي من رفـاع أليـا رفـاع
وانتـي عـزيـزه مارضيـتـي بالتـدنـي والخـضـوع
تجاهلـي وأرقــي عـلـى قـمـة مراقـيـب السـبـاع
لـو التذلـل يشبـع الانفـس يـمـوت الـذيـب جــوع
ميـر المـثـل قــال القنـاعـه كـنـز والدنـيـا مـتـاع
والمغريـه لـو تغـري الطمـاع مـا تـغـري قـنـوع
وانا احمد الله يوم اسوق الرجل فالسبل الوساع
وأن سقتهـا قـدام مايطـري عـلـى بـالـي رجــوع
اصـدّ عـن بعـض المداخـل عمـد قـصـرٍ للـنـزاع
مـن خـوف لا تجذبنـي الزلـه وأنـا رجـلٍ جــزوع
تجزعنـي الزلـه ليـا جتنـي مـن لسـان الشـجـاع
لو كنت اصم ابكم ليا صارت مـن لسـان الدنـوع
مانـيـب جـاهـل مـيـر تحكـمـنـي تقـالـيـد وطـبــاع
واشـوف نـاسٍ مايعرفـون النـزول مـن الطلـوع
مـن يطـرد الدنـيـا محـبـة قــدر يبـشـر بالضـيـاع
واللـي يعـدّي فــوق مايحسب,مصـيـره للـوقـوع
واللـي يعبـد وجيـه خلـق الله مثـل عـابـد ســواع
انـا دخيلـك ياعظيـم الشـان مـن بعـض الركـوع
يالله لاتظـفـي عـلـى وجـهـي مــن الغفـلـه قـنـاع
والهمنـي الطـاعـه ولا تجـعـل جبيـنـي بالمـنـوع
انـا عـلـيّ مــن الـذنـوب الـسـود مــا لايستـطـاع
تاخـذنـي الغـفـلات والانـسـان مـخـلـوق هـلــوع
غـرقــان فـالـلــذات والايــــام تـطـويـنـي تــبــاع
على سفـر واليـوم يقـرب مـن ربـوع ليـا ربـوع
أسألـك حسـن الخاتمـه يــارب لحـظـات الــوداع
والعفو والغفران من شـيٍّ ورى حـدب الضلـوع
انـاعـدوّ أبـلـيـس والشـيـطـان مـعـصـيٍ مـطــاع
احيان يغوينـي علـى ذنبـي واطيـع النفـس طـوع
وأذنب وانـا مـن رهبـة الموعـد معاليقـي شبـاع
والخوف يدخل فـي شرايينـي علـى مليـون نـوع
خوفي من اللي مقتفيني بعد مـا يطـوى الشـراع
والصحـف والميـزان والانكـال فـي يــومٍ يــروع
والعمـر مهمـا طـال حبـل العـمـر لا بــد أنقـطـاع
وأليا ذكرت اللي مضالي كنه أقصر مـن سبـوع
يــارب زدنــي خــوف وأيـمـان وتـأمّـل واقتـنـاع
ونـور وهدايـه منـك وأسكنّـي ملـذات الخـشـوع
وزدني يقيـن ومتـع اسماعـي بحسـن الاستمـاع
يالله ولا تجـعـل عيـونـي مـنـك تـبـخـل بـالـدمـوع
النفس أمّاره وانـا والسـوء فـي حـرب وصـراع
والفاتنـه تلعـب علـى عينـي مثـل لعـب الـفـروع
.
.
الشاعر . علي بن سالم العتيبي