للتصحيح
سوولي الكيف وارهولي من الدلـه""البن الاشقر يداوي الـراس فنجالـه
كيف لنـا نحرقـه بالنـار ونزلـه""ولو انقطع ورى صنعا عنينـا لـه
البارحه الليل ماغمضـة بـه كلـه""اراقب الصبـح جالـس واتحرالـه
ابعث شريط مضا واطويـه وافلـه""واقول من يحفـظ التاريـخ لجيالـه
قل للعراقـي يفتـش جعبتـه قلـه""يلقى بها شي ما يطري على بالـه
الهـم والغـم والطاعـون والعلـه""حقه لحالـه كفايـه حقـه لحالـه
مـن صفعـت بانـت بهـا الخلـه""يذكر هزيمه شهر شعبان وهلالـه
قام الثعل يشتغـل ويشغـل الشلـه""عزت وطارق وعَد عـدي وامثالـه
يذبح ويصلخ يـده حمـرا ومبتلـه""شي يخلـي جبيـن الحـر يندالـه
ياناس ياويـل منهـذا زعيـم لـه""الشعب في وضع يوسف له ويرثاله
شعب شرب كره واكل كره كره لـه""يتفل على صورته ويـدوس تمثالـه
تبت يدا بـو لهـب تـب وتبـا لـه""واللي معه بالحطب للقـوم حمالـه
مقبل على طبخـه بالحيـل تعملـه""يوخذ بها الثـار والثـوره تسوالـه
حتـى نسيبـه ولـد خالـه تحيلـه""لغم له الهيلوكوبتر و انشدو خالـه
الله مايهمـل الظـالـم ويهمـلـه""وان طال به عمر شـوي واردالـه
الحكم منهـار والاحـزاب منحلـه""ماخس من حالته فيهـا ولا حالـه
من ردي حظه فهـل بيتـه يزولـه""صار الشجر قوم في عيونه يورالـه
من كثر ما يرتميه يخاف من ظلـه""من يعلم الغيب لـو عـدي قتالـه
صدام بنشدك ويش انـت حـي لـه""مثلـك يمـوت وموتـه اشـوالـه
ماعاد تملك مـن السلطـه خبـرلله""خارج عن السيطره دولتك منزالـه
جمع عظامك سواة مجمـع الجلـه""احرق بهـا مـادرا بغـداد برجالـه
الجيش يرزح تحت ذل مـن الذلـه""والشعب مسكين تظحك له وتغتالـه
واذاعتك ياسويـد الوجـه ننشلـه""ما عندك الا يـلال لـه يـالالا لـه
اي بلـه اسمعـك زيـن اي بـلـه""ولا تبيـن عـدو بنـا وحنـا لـه
ماتدري انـا نعقـد الحبـل ونحلـه""بالعسرواليسـر حلالـه وفتـالـه
نعسف الصعب ثم يجيك مزين دلـه""اديب ما يشتكـي عرقـوب جمالـه
مانقتنـع بالهجـاد نصبـح الحلـه""مـع الغاطاليـس رجليـه وخيالـه
والـدار ماهيـب ياصـدام محتلـه""ما استعمرت قبل حكم العود وعياله
واليوم عنها نسن السيـف ونسلـه""من شط واخطا الطريق نصلح احواله
والفهد تخسا عنه من انت بقبيل لـه""وطا برجله علـى غاربـك بنعالـه
ما انته بكفوه ولا شرواك كفـو لـه""الفهد يكرم عن المشبـوه واشكالـه
الفهد عز العرب والعرب عـز لـه""وكم دوله تستغيث المال من مالـه
العادل العدل والاسـلام شـرع لـه""ولبيعه المسلمين البيعه اوالـى لـه
ولا انت مهزوم لا مذهب ولا ملـه""مقطع اربع تتطيـح بكـل محبالـه
من ما مضلك تخدع الشعب وتظلـه""مفسد ويدعا عليك والفهـد يدعالـه
وين انت ياللي لـه العـذرا تكحلـه""يقـوم لعيونهـا وتشـوم لفعالـه
من طيب ابوها تبي وصفه حلي لـه""يقلط على شوقه البـارود وظلالـه
ابيـك فـي لازم قـد ك وقـد لـه""قمر عربسات يبرى لـك وتبرالـه
امر ظروري وخلـك مستعـد لـه""ما انته مراسل تجي وتروح برساله
عندك مهمه وقلبـك مابـرد غلـه""جدول مسيرك تعرف العام مدهالـه
اركب على اللي قنابلها من السلـه""بمكبرات الصور في الجـو جوالـه
اخـذ المـدرج وتـل بريكهـا تلـه""واخفق بها خفقه الكـدري لمقيالـه
انحربها خاين النهرين وافطـن لـه""لا ذكر بالخير فـي حلـه وترحالـه
حـدد مكانـه بتلسكـوب وانزلـه""أنزل رويدا رويـدا واكبـس الالـه
حربيـت عاديـه سـودا تــسلله""تسللت من جهـت عمـان وجبالـه
جاته من الغرب عبراجوى صديق له""تحمل على متنها حزنـه وسلالـه
ترسم هدفها على الليـزر وترسلـه""اشاره الضبـط والمظـرب تهيالـه
ماتحملـه ترفعـه متريـن وتهلـه""مع ذره الشمس في قصره تحمالـه
تعطيه ظربـه تـدك القبـو بالفلـه""والشر فالـه وفـال الله ولا فالـه
من شده الانفجـار اقـول بسـم الله""تهتز الاهـواز والبصـره بزلزالـه
في سبع الارض تحفر له وتدفن له""من تحت الانقاض والانقاذ ماشالـه
ياخذ سنه يلتهب قبوه كمـا الملـه""يذوب صنقـل الساعـه وسلسالـه
ثم خل غيره يشوف ويعتبـر خلـه""واللي يبي مثلها بالحـال تثنـا لـه
والضعف ماحطه الطيب سبيـل لـه""وزد قيل من لا يعيل تجيـه عيالـه
ويسلموووو والله يعطيك العافيه 