السلام عليكم
حبيت اشكر الاخ عبدون على الكلام الطيب
بس انا لي كلمه وحده لكم جميع يا عوال عمي انتو لو تختارون من كل فخذ واحد ماراح اتخلون عادتكم القديمه ولازم تقطعون في احد او انكم ما تصوتون نهائيا
ليش ؟
لمتى وحنا فينا هالطبع ما نخليه
اعتقد لما صوتو بالفرعي محد جبركم انكم تختارونهم وكلن كان ابكيفه ولما انجحو وجانا وقت الجد ماتكاتفتو
على فكره حنا عددنا اكثر من الارقام اللي طلعت بالنتايج وكان المفروض نكون من الاوائل وصرنا من الاواخر
ليش؟
ابي احد يفهمني وش اللي صاير فينا ؟
وين حميتنا اللي كل القبايل كانت تضرب فينا المثل ويحسدونا عليها
شوفو خوانا المطران والعوازم والرشايده يصوتون ويحطون راسهم وينامون وهم واثقين بالنجاح وحنا قاعدين على اعصانا ليطيح واحد فينا
ترى حنا ما لنا غير بعض ومحد راح ينفعنا غير عزوتنا واهلنا
فتكفون ياعوال عمي شيلو الحقد والحسد اللي في قلوبكم وخلونا نرجع مثل قبل ايد وحده واذا في احد شايل ابخاطره على احد بسبب موقف صارله يسامحه وترى المسامح كريم.