السلام عليكم ورحمة الله وبركاته
اسعد الله مسائكم بكل خير
الكتاب واضح من عنوانه على قولة اخوانا المصريين 
القبائل والفرعيات ..!
اخواني واخواتي الأعزاء
مارأيكم بكل صراحه بالأنتخابات الفرعيه واثرها على الكويت ..؟
انتو شفتو شلون الفرعيات اظهرت ناس معا احترامي الشديد لهم
فشلونا بالمجلس يعني كلمتين على بعض مايقدرون يصفونها ؟؟
وأيضاً يحطون مصلحت القبيله على كل اعتبار حتى على الكويت
ديرتنا اللي عزتهم بعد الله وملت بطونهم من خيراتها ..؟؟
يااخوان الا ترون انا الغاء الأنتخابات الفرعيه لها ايجابيات كبيره
للبلاد والعباد ؟؟
انا والله اشوف لو ان كل رجال يرشح روحه من غير الفرعي ويفوز
انه فعلا كفو ويستاهل لأنه فاز بقناعة جميع اصوات الدائره بغض النظر
عن القبيله او العائله اللي ينتمي لها .. طبعا الكثير يقول ان ابناء القبائل
ماراح يفوزون ؟؟
انا اقول ان القبائل فيها ناس تستاهل دكاتره ومهندسين ومثقفين في شتى المجالات
فيها ناس كفو يفوزون من غير فرعي .. وصدقوني لو يلغون الفرعي تشوفون
مايطلع للمجلس الا الكفو سواء من القبيله او من خارجها
يخدمون الكويت اولا ً ومن ثم المواطنين بجميع قبائلهم واطيافهم
طبعاً هذي وجهت نظري الشخصيه ..
واتمنى من الجميع ابداء رأيهم بكل صراحه ومن غير مجامله ..
أحـترامي