[العز بالسيف]

بسم الله الرحمن الرحيم

:
:
:
:
:
:
:
:
:
:
:
:
:
:
:
:
:
:


صلوا على النبي

أعــوذ بالرحـمـن مــن كـــل شـيـطـان=ومـن الغـدر ومــن الحـسـد والعمـايـل
وايـلا ابتـدى ليـل القصايـد والالـحـان=بـديـت واشـفـيـت الـنـفـوس الـغـلايـل
وانا ماشوش إلا علـى صهلـة حصـان=وعـلـى عــزاوي ناقـضـات الـجـدايـل
مانيب أخوض الحرب في كـل ميـدان=الـيــن يشعـفـنـي صـهـيـل الاصــايــل
الله خلـق لــي فـكـر وعـيـون ولـسـان=اقــــدر امــيـــز واتـكــلــم واخــايـــل
نـيـابـةٍ عـــن يـــام والـشـيـخ راكــــان=وقـفـت امـثـل لــي شـعــوب وقـبـايـل
وذبـيـت فــي راس الطويـلـة مـسـيـان=والحيـل مـامـن حـيـل والـدمـع سـايـل
ومــن البـكـا سـالـت مــلازم ووديــان=وحتـى الطويلـه مــن دمـوعـي تهـايـل
وبكـوا علـى صوتـي شغاميـم نـجـران=وبكـوا علـى صـوتـي شغامـيـم حـايـل
عـلـيـك يـاعــز الـعـروبـه اكـحـيــلان=عـز العـرب رمـز الـوفـاء والجمـايـل
مـلــك ومـتـواضـع ولـلـعـز عــنــوان=حـذفـك بعـيـد وشـبـر يـمـنـاك طـايــل
اسـمـك لحـالـه يـرجـح بـكـل مـيــزان=وذكـرك مابيـن النـاس صايـل وجـايـل
من لا انجبت مثلك على مـر الازمـان=أحسـن لهـا تبقـى عـلـى طــول حـايـل
ومن لا نهج نهجك على سنـان وعنـان=ماظـنـتـي يـدعــى صـبــي الصـمـايـل
تركتـنـا فــي عــز فــي امــن وامـــان=وانـعـام ماتحـصـى وخـيـر وفـضـايـل
موتـك فجيـعـه حـلـت بـكـل الأوطــان=مــن هولـهـا شـفـنـا نـجــوم الـقـوايـل
يــومٍ بــدى مظـلـم تبـاشـيـره احـــزان=تـقـول فــي يــوم الحـشـر والـهـوايـل
لكـن عزانـا فــي هــل الـعـز والـشـان=اخــوان نــوره مـقُــدم عـيــال وايـــل
الـعـزوه الـلـي لكتـسـى الـجـو دخــان=أفـعـالـهـم تـلـغــي جـمـيــع الـفـعـايـل
نرسـل عزانـا صـوب ذربيـن الايمـان=ونــجــدد الـبـيـعـه بــكــل الـوســايــل
ونـرفـع يـديـنـا كـلـنـا ســـر واعـــلان=ونـدعـي لـهـم بالـفـرض والا النفـايـل
علـى العهـد باقـيـن انـصـار واعــوان=مـاخـانـوا الـعـشـره عـيــال الحـمـايـل
ماعـنـدنـا بــايــر وكــــاذب وخــــوان=نصـدق مثـل صـادق حقـوق المخـايـل
لعيـون (عبـد الله) ولعـيـون (سلـطـان)=نـاقـف ونــردع كــل غــازي وعـايــل
هــــذي عـوايـدنــا مـقـلــع وخــبــلان=وايـــلا نـويـنـا يـعـتـدل كــــل مــايــل
نـاتـي كــذا خـبـلان صقـهـان عـمـيـان=ونـــذود دون مـعـوبـسـات الـشـمـايـل
حـنـا نـهـار الضـيـق رئـاسـة أركـــان=حـنـا الكـتـايـب والـلــواء والفـصـايـل
حــنــا لـقـادتـنـا مــحــازم وفــرســان=ضـد الـغـدر ضــد الجـهـل والتحـايـل
مــن عهـدنـا الأول إلــى عـهـدنـا الان=وحـنـا عـلـى نـهـج الـجـدود الأوايـــل
والحكـم لال سعـود والضـد خـسـران=وعنـدي علـى قـولـي شـهـود ودلايــل
ومن لا اعتبر يقلط على السيف شامان=ومـالـه عــن الـمـوت المحـقـق بـدايـل
اقولـهـا مــن قـلــب يـغـشـاه الايـمــان=واعيدهـا لاقـيـل ويــش انــت قـايـل ؟
وان ودع بـلـيـهـان يــاتـــي بـلـيـهــان=وحـنـا بـامـن وأمــان والـشـك زايـــل

الشاعر : سالم بن جخير العرجاني

وســـلامتكم